IN THE NEWS l Hatangijwe ubukangurambaga buzashimirwamo ibigo bito byagaragaje umuhate mu kwigobotora ingaruka za Covid-19
Hatangijwe ubukangurambaga buzashimirwamo ibigo bito byagaragaje umuhate mu kwigobotora ingaruka za Covid-19
Bizakorwa binyuze mu rubuga SME Response Clinic rwatangijwe n’urugaga rw’abikorera mu Rwanda (PSF) ku bufatanye n’Ikigo cy’igihugu giharanira ko serivisi z’imari zigera kuri bose, Access to Finance Rwanda (AFR), hagamijwe kugeza amakuru ya ngombwa ku bari mu bucuruzi mu guhangana n’ingaruka za Covid-19.
Urwo rubuga rukusanyirizwaho amakuru n’ubujyanama ku icungamari, imisoro, imikoranire na banki n’aho abari mu bucuruzi bakura ibishoro muri iki gihe cya Covid-19.
Ubukangurambaga bwa ‘Twiteze Imbere’ buzamara ibyumweru bitatu, bukubiyemo gusangira amakuru y’uburyo ibigo by’ubucuruzi bito n’ibiciriritse byabashije guhangana n’ibihe bikomeye by’icyorezo cyugarije Isi. Hazanashishikarizwa ba rwiyemezamirimo na ba nyir’ibigo by’ubucuruzi bitandukanye kwitabira gahunda za SME Response Clinic, ndetse ibizagaragaza ubudasa bihabwe ishimwe.
Icyo gikorwa kizaterwa inkunga na Access to Finance Rwanda, ConsumerCentriX, Urugaga rw’Abikorera mu Rwanda (PSF), Ishyirahamwe ry’Ibigo by’Imari Iciriritse Bikorera mu Rwanda (AMIR), Ikigo Nyafurika Kigamije Guteza Imbere Imiyoborere (AMI), New Faces New Voices Rwanda, n’Ishyirahamwe ry’Amabanki mu Rwanda.
IN THE NEWS | Ibigo by’ubucuruzi buto birakangurirwa kwitabira ubukangurambaga bwa “Twiteze Imbere”
Ibigo by’ubucuruzi buto birakangurirwa kwitabira ubukangurambaga bwa “Twiteze Imbere”
Ubukangurambaga bwa “Twiteze Imbere” bwateguwe n’abafatanyabikorwa b’ihuriro rya ‘SME Response Clinic’ mu rwego rwo gushyigikira no kuzirikana uruhare rw’ibigo by’ubucuruzi buto mu kuzahura ubukungu bw’u Rwanda bwazahajwe n’icyorezo cya COVID-19.
Kimwe mu bikorwa bigize ubwo bukangurambaga ni irushanwa rishishikariza abantu gutanga amazina y’ibigo by’ubucuruzi bito babona bigira imikorere myiza. Ibigo by’ubucuruzi bizatsinda bikazahabwa igihembo cya miliyoni imwe y’Amafaranga y’u Rwanda (1.000.000Frw) hamwe na serivisi z’ubujyanama zitangwa n’impuguke mu bucuruzi.
Icyiciro cy’ubucuruzi buzatsinda ku mwanya wa kabiri kizahabwa inkunga yo gukurikirana amahugurwa atangwa n’Ikigo Nyafurika Kigamije Guteza Imbere Imiyoborere (AMI), yiswe “Komeza Utere Imbere – Survive to Thrive”. Binyuze kuri ayo mahugurwa, ba rwiyemezamirimo bazunguka ubuhanga, bahabwe ibikoresho byabugenewe, bige n’ingamba zabafasha guhangana n’ibibazo bagakomeza gutera imbere muri ibi bihe bikomeye byatewe n’icyorezo cya COVID-19. Nanone, bazahahurira n’abandi bacuruzi bo mu Rwanda no muri Afurika.
IN THE NEWS l Uruhare rwa SME Response Clinic mu kuzahura ubucuruzi bwazahajwe n’ingaruka za Covid-19
Uruhare rwa SME Response Clinic mu kuzahura ubucuruzi bwazahajwe n’ingaruka za Covid-19
Umuyobozi w’Ishyirahamwe ry’Ibigo by’Imari iciriritse Bikorera mu Rwanda (AMIR), Nkuranga Aimable, yavuze ko ihuriro SME Response Clinic riri kugira uruhare rukomeye mu kuzahura ubukungu bw’Igihugu. Ubu washyigikira ikigo cy’ubucuruzi buto ukagiha amahirwe yo kwegukana ibihembo byatanzwe n’iri huriro.
SME Response Clinic ni urubuga rwatangijwe hagamijwe kujya rukusanyirizwaho amakuru n’ubujyanama ku icungamari, imisoro, imikoranire na banki n’aho abucuruzi bakura ibishoro muri iki gihe cya Covid-19.
Rufasha abanyarwanda benshi bari mu bikorwa by’ubucuruzi kandi amakuru yose agatangwa mu Kinyarwanda n’Icyongereza.
Hashize umwaka ihuriro rya SME Response Clinic ritangiye mu Rwanda. Iri huriro ryavutse mu gihe Igihugu cyari gihanganye n’ingaruka z’icyorezo cya Covid-19, aho ibigo bito n’ibiciriritse byahuye n’ihungabana ry’ubukungu ritabyoroheye.
Umuyobozi w’Ishyirahamwe ry’Ibigo by’Imari Iciriritse bikorera mu Rwanda (AMIR) rikaba rinabarizwa muri iri huriro, Nkuranga Aimable, yavuze ko iri huriro rihugura ba rwiyemezamirimo b’ibigo bito ndetse n’ibiri kwiyubaka mu gucunga amafaranga akoreshwa mu bucuruzi.
IN THE NEWS | FEATURED: SME Response Clinic in campaign to support small businesses’ post-Covid-19 recovery
FEATURED: SME Response Clinic in campaign to support small businesses’ post-Covid-19 recovery
In a bid to recognise the role of small businesses in Rwanda’s economic recovery from the Covid-19 pandemic, Access to Finance Rwanda and partners of the SME Response Clinic are running a campaign dubbed ‘Twiteze Imbere’.
The campaign, meaning ‘Let’s Move Forward Together,’ is supporting enterprises to overcome challenges and acknowledges their importance in job creation and Rwanda’s ongoing economic transformation.
Through resources and learning opportunities, the SME Response Clinic online platform provides access to training, industry insights, and financial management advice to entrepreneurs in Rwanda.
The campaign has been organised in collaboration with ConsumerCentriX, the Private Sector Federation, the Association of Microfinance Institutions in Rwanda, African Management Institute, New Faces New Voices Rwanda and the Rwanda Bankers’ Association.
A key feature of the campaign is to celebrate exceptional businesses through the inaugural SME Response Clinic Business Awards and to encourage entrepreneurs to utilise the SME Response Clinic.
As part of the campaign, people across Rwanda can nominate their favourite small businesses.